" काथा रेना: गोनोड. " काहनी रेना: उनुरूम :
" काथा रेना: गोनोड " काहनी :
नोवा काहनी रेदो त्रेता जुग रेनाक् काथा लाय आकाना । ओना जुग रेगे अयोध्या रे महाराज दशरथ राजोक् कान तांहेना । उनि दो आडी वीर, आडी नापाय, आडी दाड़ेयान आर काथा रेनाक् गोनोड. एमो: होड तांहेंकाना । उनिया: वीरता रेनाक् काथा दो धारतीपुरी, पातालपुरी आर सोरोगपुरी धाबिच् पासनाव लेना । ओनाते राजा दशरथ के होड़, बोंगा, यक्ष, गंधर्व ऐमान सानाम गेको मानोत ए कान तांहेना । राजा रिन दो पेया एरा को तांहेंकाना - रानी कौशल्या, रानी सुमित्रा आर रानी कैकयी।
लाड़हाई रे राखोस को हाराव एन खान तुपुत् टांडी बागी काते ञिर एना को । राथगाड़ी रिनिच् गाड़वान राथगाड़ी तिंगु केत् खान गे राजा दशरथ दो आच् रिन रानी कैकयी सेत् कोयोक् केत् खान गे आडी हाहाड़ायेनाय । रानी मा आजा: ती काटुप निघा भुगा: रे सांबाव काते राथगाड़ी रेनाक् चाका दो सांबड़ाव लेत् आय । ओना ते रानीया: ती मा मायाड.ते झिरो-झोरो चाबा लेना । नोवा ञेलते राजा दो राथगाड़ी खोन आंड़गो काते रानी के आडी दुलाड़ ते मेताक् देयाय - " दुलाड़िया, तेहेञ आमेम पोरमान केत् आ जे आम दो, मितटाड. वीरदारी रिन बाहु कानाम । आमा: नोवा बुझाव आर साहोस ञेलते आडी गिञ रासकायेना । आम नोवा बोतोरान लाड़हाई रे इञा: जिवी आर मान एम बाञ्चाव आकात् आ, ओनाते आम दो इञ ठेनखोन बारया गोनोड. हातावमे " ।
राजा दशरथ दो आजा: राजकाज दो आडी नापाय ते चालावेत् तांहेनाय । आजा: राज रिन सानाम होड़को आडी सुक आर रास्का रेको तांहेंकाना । राजा दशरथ रिन पेया रानी खोन पुनया गिदरा को हुय लेना । माराड. रानी कौशल्या खोन दो राम, दोसार रानी सुमित्रा खोन दो लक्ष्मण, शत्रुध्न आर हुडिञ रानी कैकयी खोन दो भरत ए हुय लेना । जोतो गिदरा राजा लेका गे आडी वीर, दाड़ेयान आर नापाय को तांहेंकाना । सोमोय हों पारोम इदियेना आर गिदरा हों को माराड. एना । जोतो होड़ा: बापला हुय एना - राम सांव दो सीतावा:, लक्ष्मण सांव उर्मिला, भरत सांव मांडवी आर शत्रुध्न सांव दो श्रुतिकीर्तिया: । राजा दशरथ दो आच् रिन माराड. गिदरा राम के " युवराज सिरफा दाहड़ी " एमाय लागित् गुरू वशिष्ठ आर मंत्री कोवाक् राय हाताव केत् आ । नोवा काथा दो गोटा दिसोम होड़को बाडाय ञाम केत् आ । उनजोहो: शत्रुध्न आर भरत दो आकिनाक् मामो ओड़ाक् रे किन तांहेंकाना। रामचन्द्र " युवराज पोद " रे दुड़ुप् ए लागित् ते, अयोध्या रिन होड़ मा रास्का रेको पायरा: काना तांहेना । नोवा सागुन कामी लागित् अयोध्या दिसोम दो नावा बाहू लेका को साजावलेत् आ । रानी कैकयी हों आडी कुसी रे तांहें कानाय । रानी कैकयी यिच् मितटाड. काड़मी कुड़ी मंथरा, जाहांय दो आडी कुटनी गे तांहेंकानाय । मंथरा दो राम राजा बेनावे काथाय आजोम काते आडी भाबना एनाय आर गोसो मेत् आहा काते रानी कैकयी ठेन चालाव एनाय । उनियाक् गोसो मेत आहा ञेलते रानी कैकयी मेन केत् आय - " एना, मंथरा, चेत् लेका रा: रा: मेत् आहा लेकाम ञेलो काना । गापा राम दो राजगद्दी रे दुड़ुप् ए लागित् । सानाम दिसोम होड़, रास्का रे मेना: कोवा आर आम दो भाबना रे मेनामा " ।
मंथरावा: नोवा काथा आजोम काते कैकयी आडीगेय हाहाड़ायेना आर मेन केत् आय - " मंथरा बुझावो: काना, आम दो बुड़ही ओकतो रे आकिल बाइसाव आम काना । जांहां बेसा:, ओना हों बाड़िच् गेम आटकारेत् आ । राम युबराज को बेनाव लेखान, इञा दो चेत् बाड़िच् हुयू: आ ।
मंथरावा: नोवा बिस काथा आजोम काते रानी कैकयी दो आडीगेय भाबना एनाय । आर नोवा काथा गे कैकयी या: बोहो: हाताड., होड़मो आर मायाड. रे भेदाव एना । रानी दो कुटनी मंथरावा: छोल रे फासाव काते उनि याक् बाड़िच् काथा तेय चालाव एना । एनखान उसाराते रानी मेन केत् आय - " मंथरा, लोगोन जांहान उपाय लाई मे । जाहां ते नोवा दुखा खोन पाराड.गोत् इञ ञाममा " ।
एनखान रानीय मेन केत् आय - " भरत दो युवराज बेनाव ठीक गेया, मेनखान राम दो गेलपुन सेरमा बिररे तांहेनाय, नोवा दो चेदा: " ?
" रानी आम दो आडीगेम नापाया । इञ दो आर तिना: इञ बुझावमेया । बाडाय गेयाम तो राम दो दशरथ राजा रिन माराड. कोड़ा गिदरा कानाय । निमित् हों कानाय । आर सानाम होड़ रिन दुलाड़िया हों कानाय । बोसों परम्परा लेकाते, युवराज पोद दो रामगे ञाम लाकतीयाना । मेनखान राम अयोध्या रे तांहेन खान भरत, राजा बेनाव आर बाड.बेनाव सोमान गेया । भरत अयोध्या रिन राजा बेनाव जाहां तिना: लागतीयाना, उना: गे राम बिररे तांहेंन हों लाकती मेना:आ।
नोवा काथा आजोम काते रानी दो मंथरा आडी दुलाड़ साताला:ए मेताक् देया - " मंथरा, आम दो इञिच् काड़मी कुड़ी सुमुड. दो बाड. कानाम, आम दो गाते कुड़ी हों कान गेयाम । इञा: मेत् एम बुरसाड़ केत् आ । इञ ओका ञुतात् रिञ तांहेंकाना ओना नित् आमेम मारसाल आदिञ आ " ।
रानी दो ञिदा ञुतात् रे ओजरा लुगड़ी ते बांदे काते पारकोम रे दुड़ुप एनाय । राजा दशरथ दो कैकयी या: नोवा ओबस्था ञेल काते आडी बोतोर एनाय आर रानी केय कुली केदेया - " जिवी गाते, नोड.कान ओसागुन साजावनाते, साजाव काते चेदा: ञुतात् रेम दुड़ुप आकाना । चेत् ओकोये ओमानती केत् मेया । आर पाछे जाहांन काथा मेना: तामा, लोगोन लाई में " ।
कैकयी बाय बाय ते पारकोम खोन बेरेत् काते राजा के मेताक् देया - " आजोम आकात् आञ, गापा गे चेता, राम दो युबराज मान एम एमाय लागित् । इञ हों आम ठेन खोन बारया गोनोड. ञाम रेना: काथा मेना: आ । ओना दो तिस इमाञा " ।
नोवा आजोम काते कैकयी आडीगे कुसी एनाय आर लांदा कातेय मेन केत् आ - " जिवी गाते, माड़ाड. गोनोड. दो नोवा इमाञमे जे " इञ रिन होपोन भरत दो युबराज पोद एमायमे, दोसार गोनोड. दो इमाञमे, राम दो गेलपुन सेल्मा बिररे तांहेनाय।
कैकयी या: मोचा खोन नोवा काथा आजोम काते राजा दशरथ दो सेरमा खोन बिजली बोजोर ञुर आदे लेका आइकाव केत् आ। बोहो: रे ती चापू काते गे तांहे एनाय। होय हों बाड., आर बाड. हों बाड., चेत् हों बाय मेन दाड़ेया:ना।
राजा दशरथ दो रानी के आडीगेय बुझाव केदेया । उनि दो बाड.खोन बाय मानाव लेना । राजा दशरथ आजा: बोंसो रेना: मोहोत् दोहो काते सांबड़ाव साताला:ए मेन केत् आ - " कैकयी रघुबोंसो दो तिस रेहों बाड. बाबो: आ । आमा: बानार कोय पुरा:आ । नोवा लागित् जुदी इञा: जिवी एमो: हुयू: आ, एनखान रघुबोंसो रेनाक् ञुतुमदाड़े आरहों हारा आ " ।
गुरू वशिष्ठ आर मंत्री को ठेन भरत के राजा बेनाव आर राम के गेलपुन सेरमा लागित् बिर ते भेजा रेनाक् आदेश एम तायोम राजा मा ओंडे गे बेंहोस काते ञुर एनाय ।
महाराजा: आदेश लेकाते भरत दो अयोध्या रिन राजा बेनाव एनाय आर राम दो गेलपुन सेरमा लागित् बिर ते चालाव एनाय। सीता आर लक्ष्मण हों उनि के पांजा केदेया किन। नोवाको हुय तायोम दशरथ दो राम के उयहार उयहार तेगे गोच् एनाय । आजा: एमा: काथा रेनाक् गोनोड. आजा: जिवीतेय हालाकेत् आ । जुग-जुग पारोम चालाव एना । महाराज दशरथ दो आजा: कामी कासनी आर " काथा रेनाड. गोनोड." एम खातिर तेगे तेहेञ हों जिवित मेनाया ।
नोवा काहनी काथा रेनाक् तिनाक् गोनोड. मेना: आ ओना बाबोत् ते लाय आय। सेदाय दो ओनकान होड़ हों को तांहेंलेना, जांहाय दो आकोवाक् काथा रेनाक् मान दोहो लागित् जिवी हों को एमो तांहेना।
0 Comments
Post a Comment